നാട്ടിൻപുറങ്ങളിലെ ചെറുകിട ജൈവകർഷകർ ഹരിത – കർഷക സംഘങ്ങൾ, ഫാർമർ പ്രൊഡ്യുസർ കമ്പനികൾ, കുടുംബശ്രീ ,ഭക്ഷ്യ സുരക്ഷാ മാനദണ്ഡങ്ങൾ പാലിച്ച് മൂല്യവർധിത ഭക്ഷ്യ ഉല്പന്നങ്ങൾ തയ്യാറാക്കുന്നവർ എന്നിവരിൽ നിന്ന് മാത്രം സംഭരിക്കുന്ന ഉല്പന്നങ്ങൾ .

കൃഷി ശാസ്ത്രത്തിലധിഷ്ഠിതമായ ഉത്തമ കൃഷി മുറകളിലൂടെ (Good Agricultural Practices -GAP) കഴിക്കാൻ സുരക്ഷിതമായ ( Safe to Eat) പച്ചക്കറികളും പഴങ്ങളും ധാന്യങ്ങളും ഉല്പാദിപ്പിക്കുന്ന തെരഞ്ഞെടുത്ത ചെറുകിട പ്രാദേശിക കർഷകരുമായി മാത്രമേ ഓർഗാനിക് അടുക്കള കരാറിലേർപ്പെടുകയുള്ളൂ (Contract Agriculture).

മണ്ണിനടിയിലും പുറത്തും കടുത്ത രാസ കീടനാശിനികളും രാസവളങ്ങളും ചേർത്ത വിഷ പച്ചക്കറികളെ തിരിച്ചറിയാത്ത നമ്മൾ തുടർച്ചയായി വഞ്ചിക്കപ്പെടുന്നുണ്ട്.

ജൈവമെന്ന പേരിട്ട് നമ്മുടെ അടുക്കളയിലെത്തുന്നതും വിഷമയമായിരിക്കാം.

രണ്ട് തരത്തിൽ കൃഷി ചെയ്യുന്നവരും മാർക്കറ്റിലെത്തുന്ന വിഷവിഭവങ്ങൾ ജൈവമെന്ന പേരിൽ കൈമാറി ലാഭം കൊയ്യുന്നവരുമുണ്ട്.

ഇത്തരം തട്ടിപ്പുകളിൽ നിന്നുമുള്ള മോചനത്തിനായി പരിശ്രമിക്കുന്ന ഒരു കൂട്ടം നഗര ഉപഭോക്താക്കളുടെ മനസിൽ തോന്നിയ ആശയമാണ് വിശ്വസിച്ച് വാങ്ങിക്കഴിക്കാനൊരിടം എന്ന ഓർഗാനിക്ക് അടുക്കള.